Clipped from www.mathrubhumi.com
ലണ്ടന്: ബ്രിട്ടീഷ് കോടതി ഉപാധികളോടെ ജാമ്യം അനുവദിച്ചെങ്കിലും വിക്കിലീക്സ് സ്ഥാപകന് ജൂലിയന് അസാഞ്ജിന് ജയില് മോചിതനാകാന് കഴിഞ്ഞില്ല. ജാമ്യം അനുവദിച്ചതിന് എതിരെ സ്വീഡന് സര്ക്കാര് അപ്പീല് നല്കാന് തീരുമാനിച്ചതിനെ തുടര്ന്നാണിത്. അപ്പീല് പരിഗണിക്കുംവരെ അസാഞ്ജിന് ജയിലില് കഴിയേണ്ടിവരും. 48 മണിക്കൂറിനകം അപ്പീല് പരിഗണിക്കുമെന്നാണ് പ്രതീക്ഷ.
അസാഞ്ജ് രാജ്യംവിടാതിരിക്കാന് കടുത്ത ഉപാധികളോടെയാണ് ബ്രിട്ടീഷ് കോടതി അദ്ദേഹത്തിന് ജാമ്യം അനുവദിച്ചത്. 2,40,000 പൗണ്ട് കോടതിയില് കെട്ടിവയ്ക്കേണ്ടിവന്നു. പാസ്പോര്ട്ട് തിരിച്ചു നല്കുക, എല്ലാ ദിവസവും പോലീസ് സ്റ്റേഷനില് ഹാജരാവുക തുടങ്ങിയവ ജാമ്യ വ്യവസ്ഥകളില് ഉള്പ്പെടുന്നു. രക്ഷപെടാതിരിക്കാന് കഴുത്തില് ഇലക്ട്രോണിക് ടാഗ് തൂക്കുകയും വേണം.
സ്വീഡനില് ലൈംഗികപീഡനക്കേസില് ആരോപണം ഉയര്ന്നതിനെത്തുടര്ന്നാണ് അസാഞ്ജ് കീഴടങ്ങിയത്. തുടര്ന്ന് ബ്രിട്ടീഷ് കോടതി അസാഞ്ജിനെ റിമാന്ഡുചെയ്തു. അമേരിക്കയുടെ 2,50,000 രഹസ്യരേഖകള് പ്രസിദ്ധീകരിച്ചതിന്റെ പേരില് അസാഞ്ജ് വിവാദത്തില് അകപ്പെട്ടതിനിടെയാണ് ലൈംഗിക പീഡനം നടത്തിയെന്ന പേരില് അദ്ദേഹത്തിനെതിരെ ആരോപണം ഉയര്ന്നത്.
See this Amp at http://bit.ly/euJq4k
No comments:
Post a Comment